கார்வாவில் பாஜகவுக்கு வாக்கு சேகரித்த பிரதமர் மோடி, ஜார்க்கண்டில் காங்கிரஸ் - ஜார்க்கண்ட் முக்தி மோர்ச்சா அரசில் எவ்வளவு ஊழல் என்பதை மக்கள் அறிவார்கள் என்றும் ஊழல் நாட்டை கரையான் போல் அரிக்கிறது என்றும் குற்றம் சாட்டினார். மாநிலத்தில் காங்கிரஸ் - ஜார்க்கண்ட் முக்தி மோர்ச்சா கூட்டணி அரசு வங்கதேசத்திலிருந்து வரும் ஊடுருவல்காரர்களுக்கு உதவி செய்கிறது என குற்றம் சாட்டிய பிரதமர் மோடி, இது இப்படியே போனால் மாநிலத்தில் பழங்குடியின மக்களின் எண்ணிக்கை குறைந்துவிடும் என்றார். இது பழங்குடியின மக்களுக்கும், இந்த தேசத்திற்கும் ஆபத்து என எச்சரித்தவர், காங்கிரஸ் - ஜார்க்கண்ட் முக்தி மோர்ச்சா கூட்டணி அரசு மாபியாக்களின் அடிமையாகிவிட்டது எனவும் விளாசினார்.