தற்போது உள்ள திட்டப்படி செயல்படுத்துவதில் பல்வேறு சந்தேகங்கள் உள்ளதால் அதுகுறித்து இருமாநில அரசுகளிடமும் விளக்கம் கேட்கப்பட்டு உள்ளது. இருமாநிலங்களும் இணக்கமான முடிவை எட்டிய பின்னர் டேம் ஆப் ரெபரன்ஸ் எனப்படும் விதி திருத்தம் குறித்து முடிவு செய்யலாம் என, மத்திய சுற்றுச்சூழல் துறையின் கீழ் இயங்கும் நிபுணர்களைக் கொண்ட மதிப்பீட்டு குழு பரிந்துரைத்துள்ளது. அணைக்கட்டுவதற்கான மாற்று இடம் மற்றும் அணையின் உயரம் குறித்து விரிவாக விவாதித்து உரிய முடிவுக்கு எடுக்க வேண்டும் என்றும்,

அணைக்கட்ட தேவையான வனநிலம் மற்றும் வனவிலங்கு சரணாலய பகுதிகள் 4 ஆயிரத்து 996 ஏக்கர் தேவைப்படுவதை குறைத்து, தேவையான நிலம் மட்டும் எடுக்கும் வகையில் மாற்று திட்டம், 2013 ஆண்டு சட்டப்படி, கையகப்படுத்தும் நிலத்துக்கு வெளிப்படையான, நியாயமான இழப்பீடு வழங்குவது உள்பட பல்வேறு விசயங்கள் குறித்து நிபுணர் குழு விளக்கம் கேட்டுள்ளது.