கர்நாடக மாநிலம் மேகதாது என்ற இடத்தில் காவிரியின் குறுக்கே அணை கட்டுவது தொடர்பான விரிவான திட்ட அறிக்கையை கர்நாடக அரசு தாக்கல் செய்துள்ளது. மத்திய அரசிடம் கடந்த 18ம் தேதியன்று தாக்கல் செய்துள்ள இந்த அறிக்கையில், 9 ஆயிரம் கோடி ரூபாய் திட்ட மதிப்பில் மேகதாது அணை திட்டத்தை நிறைவேற்ற உள்ளதாக கர்நாடகா தெரிவித்துள்ளது. இந்த திட்டம் தொடர்பாக, தமிழக அரசுக்கு கடிதம் எழுதியதாகவும் ஆனால் , இதுவரை எந்த பதிலும் வரவில்லை எனவும் கர்நாடக அரசு தெரிவித்துள்ளது.