புதுச்சேரி ஜிப்மர் மருத்துவக் கல்லூரி மருத்துவமனையில் குரூப் பி மற்றும் குரூப் சி பணியிடங்களை நிரப்ப அறிவிப்பு வெளியாகியுள்ளது. இந்நிலையில் புதுச்சேரி மாநில இளைஞர்களைக் கொண்டு குரூப் சி பணியிடங்களை நிரப்பக் கோரி 'ஜிப்மர்' நுழைவு வாயில் முன்பு அனைத்திந்திய இளைஞர் பெருமன்றத்தினர் ஆர்ப்பாட்டத்தில் ஈடுபட்டனர். விண்ணப்பக் கட்டணமாக அறிவிக்கப்பட்டுள்ள ஆயிரத்து 500 ரூபாய் மற்றும் ஆயிரத்து 200 ரூபாயை குறைக்கவும் வலியுறுத்தி கோஷங்களை எழுப்பினர்.