குடியுரிமை திருத்தச் சட்டத்துக்கு எதிராக டெல்லி ஜஃப்ராபாத் பகுதியில் உள்ள மெட்ரோ ரயில் நிலையத்தில் ஏராளமான இஸ்லாமிய பெண்கள் திரண்டு போராட்டத்தில் ஈடுபட்டனர். மெட்ரோ ரயில் நிலையத்தில் திடீரென திரண்ட அவர்கள், சிஏஏ மற்றும் என்.ஆர்.சி-க்கு எதிர்ப்பு தெரிவித்து கோஷங்கள் எழுப்பினர். போலீஸ் அதிகாரிகள் பேச்சுவார்த்தை நடத்தியும் அவர்கள் கலைந்து செல்ல மறுத்துவிட்டனர். 2வது நாளாக போராட்டக்காரர்கள், தங்களது எதிர்ப்பை தொடர்ந்து வருகின்றனர். இதனையடுத்து ஜஃப்ராபாத் நிலையத்தில் ரயில்கள் நிற்காது என அறிவிக்கப்பட்டதால், பயணிகள் பெரிதும் பாதிக்கப்பட்டுள்ளனர்.