இந்தியாவில் கொரோனாவால் பாதிக்கப்பட்டவர்களின் எண்ணிக்கை 55 லட்சத்தை நெருங்குகிறது. கடந்த 24 மணி நேரத்தில், புதிதாக 86 ஆயிரத்து 961 பேர் கொரோனா வைரசால் பாதிக்கப்பட்டுள்ளனர். இதனால் பாதிக்கப்பட்டோரின் மொத்த எண்ணிக்கை 54 லட்சத்து 87 ஆயிரத்து 580 - ஆக அதிகரித்துள்ளது. இதேபோல் நேற்று ஒரே நாளில் ஆயிரத்து 130 பேர் கொரோனா வைரசுக்கு பலியாகி உள்ளனர். இதுவரை மொத்தம் 87 ஆயிரத்து 882 பேர் கொரோனா வைரசால் பாதிக்கப்பட்டு உயிரிழந்துள்ளனர். 43 லட்சத்து 96 ஆயிரத்து 399 பேர் குணமடைந்து வீடு திரும்பியுள்ளனர்.