உத்தரப் பிரதேச மாநிலம் லக்னோவில், சிஎன்ஜி சிலிண்டர்களை ஏற்றிச் சென்ற டிரக், இருசக்கர வாகனத்தின் மீது மோதி பல அடி தூரம் இழுத்துச் சென்ற சம்பவம் பரபரப்பை ஏற்படுத்தியது. வாகனம் டிரக்கின் அடியில் சிக்கி சாலையில் உரசியபடி சென்றதால் நீண்ட தூரம் தீப்பொறிகள் பறந்தன. இந்த சம்பவம் பெரும் விபத்தாக மாறும் அபாயம் ஏற்பட்ட நிலையில், தகவலறிந்து விரைந்த கிருஷ்ணாநகர் போக்குவரத்து போலீசார் உடனடியாக டிரக்கை நிறுத்தி நிலைமையை கட்டுக்குள் கொண்டு வந்தனர். இதனால் பெரும் விபத்து தவிர்க்கப்பட்டது.