சமையல் எரிவாயு விலையை சிலிண்டருக்கு 6 ரூபாய் 52 காசுகள் குறைத்துள்ளதாக இந்தியன் ஆயில் கார்ப்ரேஷன் நிறுவனம் தெரிவித்துள்ளது. இதனையடுத்து, டெல்லியில் 507 ரூபாய் 42 காசுகளுக்கு விற்பனை செய்யப்பட்ட மானிய எரிவாயு சிலிண்டரின் விலை 500 ரூபாய் 90 காசுகளுக்கு விற்பனை செய்யப்படும். அதேபோல் மானியமில்லாத சிலிண்டர் விலை 133 ரூபாய் குறைக்கப்பட்டுள்ளது. இந்த விலை குறைப்பு நள்ளிரவு முதல் அமலுக்கு வந்தது. சர்வதேச சந்தையில் கச்சா எண்ணெய் விலை சரிவு மற்றும் அமெரிக்க டாலருக்கு எதிராக ரூபாய் மதிப்பு உயர்வு ஆகியவையே விலை குறைப்புக்கு காரணமாக கூறப்படுகிறது.