ரஜினிகாந்த் - சிறுத்தை சிவா கூட்டணியில் உருவாகும் படம் அண்ணாத்த. மிகுந்த எதிர்பார்ப்பை ஏற்படுத்தியுள்ள இந்த படத்தில் குஷ்பு, மீனா, கீர்த்தி சுரேஷ், பிரகாஷ் ராஜ் என ஒரு நட்சத்திர பட்டாளமே களமிறங்கியுள்ளது. முதன்முறையாக ரஜினி படத்திற்கு இமான் இசையமைக்கிறார். விரைவில் ரஜினிகாந்த் அண்ணாத்த படப்பிடிப்பில் கலந்து கொள்ளவுள்ளதாக தகவல் வெளியாகி வரும் நிலையில், அண்ணாத்த டைட்டில் மோஷன் போஸ்டர் யு-டியூபில் 4 மில்லியன் பார்வைகளை கடந்து, தமிழ் சினிமாவில் அதிக பார்வைகளை பெற்ற டைட்டில் மோஷன் போஸ்டர் என்ற சாதனையை படைத்துள்ளது.