மகாராஷ்டிரா மாநிலம் அகமத் நகரை சேர்ந்த 23 வயது எம்.பி.பி.எஸ் மாணவர், கடந்த வாரம் தனது நண்பர்களுடன் சுற்றுலா சென்றுவிட்டு திரும்பியபோது, உடல்நிலை பாதிக்கப்பட்டுள்ளது. மருத்துவமனையில் அவருக்கு கொரோனா இருப்பது கண்டறியப்பட்ட நிலையில், அந்த மாணவர் திடீரென உயிரிழந்துள்ளார். அந்த மாணவரின் பிரேத பரிசோதனையில் H3N2 வைரஸ் பாதிப்பு இருப்பது, கண்டறியப்பட்டுள்ளது. எனினும் மாணவரின் உயிரிழப்பிற்கான காரணங்கள் பற்றிய அதிகாரப்பூர்வ தகவல்கள் வெளியாகவில்லை.