குடியரசுத் தலைவர் தேர்தல் குறித்து அரசியல் கட்சிகளுடன் பேச்சுவார்த்தை நடத்த பாஜக தலைமை குழு அமைத்துள்ளது.
பாஜக தலைவர் ஜேபி நட்டா, பாஜக மூத்த தலைவர் ராஜ்நாத் சிங் ஆகியோர் குழுவில் இடம்பெற்றுள்ளதாகவும் அவர்கள் அரசியல் கட்சிகளுடன் பேச்சுவார்த்தை நடத்துவார்கள் எனவும் பாஜக தலைமை தெரிவித்துள்ளது. காங்கிரஸ் கட்சியின் சார்பில் எதிர்க்கட்சி தலைவர் மல்லிகார்ஜுன கார்கே பேச்சுவார்த்தை நடத்துவார் என காங்கிரஸ் கட்சி அறிவித்திருந்த நிலையில் பாஜக குழுவை நியமித்துள்ளது.