செங்கல்பட்டு மாவட்டம் திருப்போரூர் கந்தசாமி கோயிலுக்கு வருகை தந்த மலேசியா மனிதவள மேம்பாட்டுத்துறை அமைச்சர் சிவகுமார் வரதராஜன் முருகனை மனமுருக தரிசித்தார். தமிழ்ச்சங்கம், தமிழ் முற்றம் மற்றும் பொதுமக்கள் ஏராளமானோர் மலேசியா அமைச்சருக்கு சால்வை, பூ மாலை அணிவித்து வரவேற்றனர். முருகப்பெருமானின் சிறப்புகள் குறித்து அவருக்கு எடுத்துக் கூறப்பட்டது. தொடர்ந்து பேசிய சிவகுமார் வரதராஜன், தான் பல்வேறு பகுதிகளில் உள்ள கோயில்களுக்கு சென்றிருந்தாலும் திருப்போரூர் முருகனை தரிசித்தது மன நிறைவாக இருந்ததாக மகிழ்ச்சி தெரிவித்தார்.