• முதற்கட்ட வேட்பாளர்கள் பட்டியலை காங்கிரஸ் வெளியிட்ட நிலையில், சித்தராமையாவின் மகனுடைய தொகுதியான வருணாவில் இம்முறை சித்தராமையாவை களமிறக்கியுள்ளது, காங்கிரஸ். • இந்நிலையில், சித்தராமையாவிற்கு எதிராக தனது மகன் விஜேந்திராவை நிற்க வைக்க பாஜக உயர்மட்ட தலைவர்கள் அளவில் ஆலோசனை நடைபெறுவதாக எடியூரப்பா தெரிவித்திருப்பது, வருணா தொகுதி மீதான அனைவரின் கவனத்தையும் திருப்பியுள்ளது. • ஏற்கனவே சித்தராமையாவை தோற்கடிக்க அவருக்கு எதிராக பலமான வேட்பாளரை முன்னிறுத்துவோம் என பாஜகவினர் கூறி வந்த நிலையில், எடியூரப்பாவின் மகனை சித்தராமையாவிற்கு எதிராக களமிறக்க பாஜக திட்டமிட்டு வருவது வருணா தொகுதியில் பாஜக மற்றும் காங்கிரஸுக்கு இடையேயான போட்டியை கடுமையாக்கவுள்ளது.