இந்தியா - மேற்கு இந்திய தீவுகளுக்கு எதிரான முதல் டெஸ்ட் போட்டியில், 5 விக்கெட்டுகளை வீழ்த்திய அஸ்வின் பல்வேறு சாதனைகளை படைத்துள்ளார். போட்டியில் தனது 3வது விக்கெட்டை அஸ்வின் வீழ்த்தியபோது, சர்வதேச போட்டிகளில் 700 விக்கெட்டுகளை வீழ்த்திய 3வது இந்திய பந்துவீச்சாளர் என்ற சாதனையை படைத்தார். போட்டியின்போது டெஸ்ட் போட்டிகளில் அதிக முறை பேட்டர்களை போல்டாக்கிய, இந்தியர் என்ற சாதனையையும் அஸ்வின் படைத்தார். இதுவரை அவர் 95 முறை பேட்டர்களை போல்டாக்கியுள்ளார். மேலும், மேற்கு இந்திய தீவுகளின் வீரர் டேகனரைன் சந்தர்பாலின் விக்கெட்டை அவர் வீழ்த்தியபோது, டெஸ்ட் கிரிக்கெட்டில் தந்தை - மகன் ஆகிய இருவருடைய விக்கெட்டையும் வீழ்த்திய, முதல் இந்தியர் என்ற பெருமையையும் அஸ்வின் பெற்றார். 2011 ஆம் ஆண்டு டேகனரைன் சந்தர்பாலின் தந்தை ஷிவ்நரைன் சந்தர்பாலின் விக்கெட்டை, அஸ்வின் வீழ்த்தியிருந்தார்.