யானை பாகன்களை சந்தித்து பேசிய பிரதமர் மோடி, காட்டு யானைகளை வளர்ப்பு யானைகளாக மாற்றுவதில் இருக்கும் சிக்கல் குறித்தும், பாகன்களின் கோரிக்கை குறித்தும் கேட்டறிந்தார்.

பின் வனத்துறையில் T-23 புலியை உயிருடன் பிடிக்கும் பணியில் சிறப்பாக பணியாற்றிய தெப்பக்காடு கிராமத்தை சார்ந்த வாட்சர்களிடம் கலந்துரையாடினார்.

பிறகு ஆஸ்கர் விருது வென்ற தம்பதியரான பெல்லி-பொம்மனை சந்தித்து உரையாடிய பிரதமர்... அவர்களுக்கு தனது பாராட்டையும் தெரிவித்தார்.

தங்களை பிரதமர் நேரில் சந்தித்து பாராட்டியதால் மகிழ்ச்சி வெள்ளத்தில் தத்தளித்த பெல்லி - பொம்மன் தம்பதியர்... தாங்கள் பிரதமருடன் போட்டோ எடுத்து மகிழ்ந்ததையும்... தங்களது கள்ளங் கபடம் இல்லாத உள்ளத்தையும் வார்த்தைகளாக வெளிப்படுத்தினர்.

பிரதமர் மோடியிடம் தங்களுக்கான வீடு வசதி குறித்த கோரிக்கையும் பெல்லி - பொம்மன் தம்பதியர் முன்வைத்தனர்.

இப்படி ஆஸ்கர் தம்பதியரை மட்டுமல்லாது... தெப்பக்காடு முகாமில் மட்டும் சுமார் 55 நிமிடம் செலவிட்டார் பிரதமர் மோடி.

தந்தி டிவி செய்திகளுக்காக கூடலூர் மற்ரும் நீலகிரியில் இருந்து செய்தியாளர்கள் சுரேஷ் குமார் மற்றும் வில்லியம்