இந்தியாவுக்கு எதிரான முதல் டெஸ்ட் போட்டியில் தோல்வியை தவிர்க்க வங்கதேசம் போராடி வருகிறது. 513 ரன்கள் இலக்குடன் களமிறங்கிய வங்கதேச அணி, 4-ஆம் நாள் ஆட்டம் தொடங்கிய நிலையில், தொடக்க பேட்ஸ்மென்கள் இந்திய பவுலர்களுக்கு சோதனை அளித்தனர். வங்கதேச வீரர் ஜாகீர் ஹசன் சதம் விளாசி ஆட்டமிழந்தார். 4-ஆம் நாள் ஆட்டநேர முடிவில் வங்கதேச அணி 6 விக்கெட்டுகள் இழப்புக்கு 272 ரன்கள் எடுத்துள்ளது. வங்கதேசம் வெற்றி பெற இன்னும் 241 ரன்கள் தேவைப்படும் நிலையில், கைவசம் 4 விக்கெட்டுகள் மட்டுமே உள்ளதால் இந்திய அணிக்கு வெற்றி வாய்ப்பு பிரகாசமாக உள்ளது.