• சென்னை பூந்தமல்லியில் உள்ள துணை நடிகை ஆர்த்தி என்பவருக்கும், ஜெகன் என்பவருக்கும் இடையே, கடந்த ஒன்றரை ஆண்டுகளுக்கு முன்பு திருமண நிச்சயதார்த்தம் நடந்துள்ளது. • இதனிடையே, பட்டாபிராம் பகுதியை சேர்ந்த சினிமா துணை நடிகர் முத்துபிரசாத் என்பவரை, ஆர்த்தி காதலித்துள்ளார். • இந்த தகவல் பெண்ணின் வீட்டாருக்கு தெரியவரவே, அவர்கள், முத்து பிரசாத்தை பேச அழைத்துள்ளனர். • பின்னர், பெண் வீட்டார் கூறிய இடத்திற்கு வந்த முத்து பிரசாத்தை, ஜெகன் மற்றும் ஆர்த்தியின் அக்கா கணவரான பிரதாப் ஆகியோர், காரில் கடத்திச் சென்று, பெண்ணலூர்பேட்டை வனப்பகுதியில் வைத்து கண்மூடித்தனமாக தாக்கியுள்ளனர். • இதில் பலத்த காயமடைந்த முத்து பிரசாத் மருத்துவமனையில் அனுமதிக்கப்பட்டுள்ள நிலையில், புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.