12ம் வகுப்பு பொதுத்தேர்வு எழுதும் மாணவர்களுக்கான ஹால் டிக்கெட்டுகளை, நாளை முதல் பதிவிறக்கம் செய்து கொள்ளலாம் என தேர்வுத்துறை அறிவித்துள்ளது. 12ம் வகுப்பு மாணவர்களுக்கான பொதுத் தேர்வுகள் மார்ச் மாதம் முதலும், செய்முறைத் தேர்வுகள் பிப்ரவரி மாதத்திலும் நடைபெற உள்ளன. இதனிடையே, பொதுத்தேர்வு எழுதும் மாணவர்களின் பெயர் பட்டியலை, தேர்வுத்துறை இறுதி செய்துள்ளது. இந்நிலையில், நாளை பிற்பகல் 2 மணி முதல் ஹால் டிக்கெட்டுகளை தேர்வுத்துறை இணையதளத்தில் அனைத்து பள்ளிகளும் பதிவிறக்கம் செய்து கொள்ளலாம் என அறிவிக்கப்பட்டுள்ளது.