சென்னை ராயப்பேட்டையில் உள்ள அதிமுக தலைமை அலுவலகத்தில் அதிமுக செயற்குழு கூட்டம் இன்று நடைபெறுகிறது. இதில் அதிமுக பொதுச்செயலாளர் எடப்பாடி பழனிசாமி, அவைத்தலைவர் தமிழ்மகன் உசேன் உள்ளிட்ட முக்கிய நிர்வாகிகள் கலந்து கொள்ள உள்ளனர். அதிமுக பொதுச்செயலாளராக எடப்பாடி பழனிசாமி பதவியேற்ற பின்பு முதன்முறையாக செயற்குழு கூட்டம் நடைபெறுகிறது. இதில் கர்நாடக தேர்தல், புதிய உறுப்பினர்கள் சேர்ப்பு உள்ளிட்ட முக்கிய விவகாரங்கள் குறித்து ஆலோசிக்கப்படும் என எதிர்பார்க்கப்படுகிறது. அதிமுக - பாஜக இடையே வார்த்தை யுத்தம் தொடங்கியுள்ள நிலையில் பாஜக உடனான கூட்டணி குறித்தும் ஆலோசிக்கப்படலாம் என தகவல் வெளியாகி உள்ளது.