காங்கிரஸ் மூத்த தலைவர் சோனியா காந்தியின் உடல்நிலை சீராக இருப்பதாகவும் மருத்துவர்கள் தெரிவித்துள்ளனர். மகள் பிரியங்கா காந்தியுடன் சிம்லாவுக்கு பயணம் மேற்கொண்டிருந்த சோனியா காந்திக்கு திடீரென உடல்நல பாதிப்பு ஏற்பட்ட நிலையில், சிம்லாவில் உள்ள இந்திரா காந்தி மருத்துவ கல்லூரி மருத்துவமனையில் அனுமதிக்கப்பட்டார். சோனியா காந்திக்கு உயர் ரத்த அழுத்தம் காரணமாக லேசான உடல்நல பாதிப்பு ஏற்பட்டதாகவும், சிகிச்சைக்கு பிறகு தற்போது அவரது உடல்நிலை சீராக இருப்பதாகவும் மருத்துவர்கள் தெரிவித்துள்ளனர். சிகிச்சைக்கு பிறகு சோனியா காந்தி, சிம்லாவின் சராபா பகுதியில் உள்ள பிரியங்கா காந்தியின் வீட்டிற்கு சென்று ஒய்வு எடுத்து வருவதாக தெரிவிக்கப்பட்டுள்ளது.