மதுரையில் நடிகர் சூரியின் உணவகத்தை நடத்தி வரும் அவரது சகோதரர் லட்சுமணன், தமக்கு கொலை மிரட்டல் விடுப்பதாக அச்சகம் நடத்தி வரும் முத்துச்சாமி என்பவர் மாவட்ட ஆட்சியரிடம் புகார் மனு அளித்துள்ளார். தாம் நடத்தி வரும் அச்சகத்திற்கு கீழ், சூரியின் 'அம்மன் உணவகம்' செயல்பட்டு வரும் நிலையில், உணவகத்தில் நிறுத்தப்படும் வாகனங்களால் ஏற்படும் இடையூறு குறித்து இருவருக்கும் அடிக்கடி வாக்குவாதம் ஏற்பட்டதாகவும், இந்த நிலையில் தமது கடைக்குள் அத்துமீறி நுழைந்து, சூரியின் சகோதரர் பணம் மற்றும் ஆவணங்களை எடுத்துச் சென்றதாகவும் அவர் குற்றம் சாட்டியுள்ளார். நடிகர் சூரியின் நற்பெயருக்கு களங்கம் விளைவிக்கும் வகையில் அவரது சகோதரர் லட்சுமணன் செயல்படுவது வேதனை அளிப்பதாகவும் அவர் தெரிவித்துள்ளார்.