விளையாட்டு திருவிழா - 31.10.2018 :இதே நாளில் 183 ரன்கள் விளாசி சாதனை படைத்த தோனி
பதிவு : அக்டோபர் 31, 2018, 08:37 PM
விளையாட்டு திருவிழா - 31.10.2018 2005 ஆம் ஆண்டு இதே நாள் தோனி தாம் யார் என்று உலகத்திற்கு நிரூபித்தார்.
இதே நாளில் 183 ரன்கள் விளாசி சாதனை படைத்த தோனி :

2005 ஆம் ஆண்டு இதே நாள் தோனி தாம் யார் என்று உலகத்திற்கு நிரூபித்தார். தோனி அதிரடியாக விளையாடக் கூடியவர் என்ற எண்ணம் ரசிகர்கள் மத்தியில் இருந்த நிலையில், அதிரடி மன்னன் என்ற பட்டத்தை அவருக்கு பெற்று தந்தது இன்று தான். ஜெய்ப்பூரில் நடைபெற்ற இலங்கைக்கு எதிரான 3வது ஒருநாள் போட்டியில் 299 ரன்கள் என்ற இலக்கை இந்திய அணி எதிர்கொண்டது.  சச்சின் ஆட்டத்தின் முதல் ஓவரிலே ஆட்டமிழக்க, மூன்றாவது வீரராக களமிறங்கினார் தோனி.

ஆடுகளத்தில் சரவெடியை கொளுத்திய தோனி, ரசிகர்களுக்கு தனது இமாலய சிக்சர்கள் மூலம் வான வேடிக்கை காட்டினார் தோனி.145 பந்துகளை எதிர்கொண்ட அவர் கடைசி வரை ஆட்டமிழக்காமல் 183 ரன்கள் விளாசினார். இதில் 15 பவுண்டரிகளும், 10 சிக்சர்களும் அடங்கும். 10 சிக்சர்கள் அடித்த முதல் இந்திய வீரர் என்ற சாதனையையும் அன்றைய போட்டியில் தோனி படைத்தார்.

ஒரு இன்னிங்சில் அதிக ரன்கள் விளாசிய விக்கெட் கீப்பர் என்ற மற்றொரு சாதனையும் தோனிக்கு சொந்தமானது. தோனியில் அதிரடியால் இந்திய அணி 46 புள்ளி 1 ஓவரிலே வெற்றி இலக்கை எட்டியது.  இலக்கு கொஞ்சம் அதிகம் இருந்திருந்தால், அப்போதே தோனி இரட்டை சதம் விளாசி இருப்பார். இது போன்ற ஆட்டத்தை தங்கள் வாழ்நாளில் பார்த்து இல்லை என்று ரசிகர்கள் வியந்தனர். அன்று முதல் தோனி வரை, இந்திய அணிக்கு தூணாகவே தோனி விளங்குகிறார். 

இந்தியா Vs மே.இ.தீவுகள் 5வது ஒருநாள் : தொடரை கைப்பற்ற இந்தியா தீவிரம் :

இந்தியா, மேற்கிந்தியத் தீவுகளுக்கு எதிரான ஒருநாள் தொடரை தீர்மானிக்கும் கடைசி போட்டி நாளை திருவனந்தப்புரத்தில் நடைபெறுகிறது. 4 போட்டிகள் முடிவடைந்த நிலையில், இந்திய அணி 2க்கு1 என்ற கணக்கில் முன்னிலை உள்ளது. தொடரை கைப்பற்ற வேண்டிய உத்வேகத்துடன் உள்ள இந்திய அணி வீரர்கள் தீவிர பயிற்சியில் ஈடுபட்டுள்ளனர். கடைசி ஒருநாள் போட்டியின் போது இந்திய அணியில் எந்த மாற்றமும் மேற்கொள்ளப்படாது என தெரிகிறது. 4வது ஒருநாள் போட்டியில் தோனி அதிரடியாக ஆடினாலும், பெரிய ஸ்கோரை அடிக்கவில்லை. இதனால் நாளைய போட்டியில் தோனி, முன்வரிசையில் களமிறங்கலாம் என எதிர்பார்க்கப்படுகிறது

கடைசி போட்டியை வென்று தொடரை சமனில் முடிக்க வேண்டிய நெருக்கடியில் மேற்கிந்தியத் தீவுகள் அணி வீரர்கள் உள்ளனர். இதனால் சுனில் அம்பிரிஸ் போன்ற வீரர்களுக்கு நாளைய போட்டியில் வாய்ப்பளிக்கப்படலாம் என தெரிகிறது. கடந்த 3 ஆண்டுகளாக ஒருநாள் தொடரில் சொந்த மண்ணில் இந்திய அணி ஒரு போட்டிக்கு மேல் தோற்றது இல்லை. அந்த சாதனை தொடருமா என்ற எதிர்பார்ப்பு ரசிகர்கள் மத்தியில் எழுந்துள்ளது. 

குல்ஃபி ஐஸ் விற்கும் அர்ஜூனா விருது வென்ற குத்துச்சண்டை வீரர்:

ஹரியானா மாநிலம் பிவானி நகரில் பிறந்தவர் குத்துச்சண்டை வீரர் தினேஷ் குமார். 30 வயதான இவர் இந்தியாவுக்காக 17 தங்கம், ஒரு வெள்ளி, 5 வெண்கலப் பதக்கத்தை வென்றுள்ளார். விளையாட்டு வீரர்களுக்கு வழங்கப்படும் அர்ஜூனா விருதையும் தினேஷ் குமார் வென்றுள்ளார். இவ்வளவு பெருமைகளை பெற்ற தினேஷ் குமார், இன்றோ தனது குடும்பத்தை காப்பாற்ற குல்ஃபி ஐஸ் விற்று வருகிறார். 

கடந்த 2014 ஆம் ஆண்டு தினேஷ் குமார், விபத்து ஒன்றில் சிக்கி படுகாயமடைந்தார். பல்வேறு சிகிச்சைகளை மேற்கொண்டு பிறகு தான், இன்று தினேஷ் குமாரால் நிற்கவே முடிகிறது. ஆனால், இதற்கான சிகிச்சைக்கு அரசு ஒரு பைசாவை கூட உதவித் தொகை அளிக்கவில்லை என்று கூறுகிறார் தினேஷ் குமார். சிகிச்சைக்காக பல லட்சம் கடன் வாங்கியதாகவும், அதனை திருப்பித் தர முடியாமல் குல்ஃபி ஐஸ் விற்க வந்துவிட்டதாகவும் தனது வேதனையை பகிர்கிறார் தினேஷ்.

உரிய சிகிச்சையும் உதவியும் கிடைத்திருந்தால், இந்நேரம் குத்துச்சண்டை வீரராகவே தனது வாழ்க்கையை தினேஷ் குமார் தொடர்ந்திருப்பார். நாட்டிற்காக வியர்வை சிந்தி, ரத்தம் சிந்தி விளையாடி பதக்கம் வெல்லும் பல வீர்ர்கள், அரசின் உதவிக் கிடைக்காமல் வாழ்க்கையில் போராடி வருகின்றனர். இதற்கு தினேஷ் குமாரும் விதிவிலக்கு அல்ல..

தொடர்புடைய நிகழ்ச்சிகள்

விளையாட்டு திருவிழா - 05.11.2018 : மோட்டோ ஜிபி மலேசியா கிராண்ட் பிரிக்ஸ்

விளையாட்டு திருவிழா - 05.11.2018 : உயிருக்கு ஆபத்தான 'மரணக் கிணறு' விளையாட்டு

13 views

விளையாட்டு திருவிழா - 25.10.2018 - டிராவில் முடிந்த 2வது ஒருநாள் போட்டி

விளையாட்டு திருவிழா - 25.10.2018 - இந்திய அணி செய்த தவறுகள்

6 views

விளையாட்டு திருவிழா - 02.10.2018 - முச்சதம் விளாசிய வீரருக்கு அணியில் இடமில்லை

முச்சதம் விளாசிய வீரருக்கு அணியில் இடமில்லை,கருண் நாயருக்கு வந்த சோதனை

14 views

விளையாட்டு திருவிழா 20.08.2018 - 18வது ஆசிய விளையாட்டு போட்டி

ஆசியாவின் மிகப் பெரிய விளையாட்டு திருவிழாவான ஆசிய போட்டிகள் இந்தோனேஷியாவில் நடைபெற்று வருகிறது.

44 views

பிற நிகழ்ச்சிகள்

விளையாட்டு திருவிழா - 14.11.2018 - கோலியின் கேப்டன் பதவிக்கு ஆபத்து

விளையாட்டு திருவிழா - 14.11.2018 - கேப்டனாகிறாரா ஹிட் மேன் ரோஹித் சர்மா?

523 views

விளையாட்டு திருவிழா - 13.11.2018 - தோனி இடத்தை பிடிப்பாரா ரிஷப் பண்ட்?

விளையாட்டு திருவிழா - 13.11.2018 - ரிஷப் பண்ட்க்கு காத்திருக்கும் சவால்கள்

223 views

விளையாட்டு திருவிழா - 12.11.2018 -தொடரை முழுமையாக கைப்பற்றியது இந்தியா

விளையாட்டு திருவிழா - 12.11.2018 -பிரேசில் ஃபார்முலா ஓன் கார் பந்தயம்

38 views

விளையாட்டு திருவிழா - 09.11.2018 - ஒலிம்பிக்கில் மகளிர் மட்டும் பங்கேற்கும் விளையாட்டு....

விளையாட்டு திருவிழா - 09.11.2018 - நீச்சல், நடனம், ஜிம்னாஸ்டிக் என மூன்றும் சேர்ந்த விளையாட்டு

11 views

விளையாட்டு திருவிழா - 08.11.2018 - உலக சாதனை - ஒரே ஓவரில் 43 ரன்கள்

விளையாட்டு திருவிழா - 08.11.2018 - கின்னஸ் புத்தகத்தில் இடம் பிடித்த சாதனையாளர்கள்

34 views

விளையாட்டு திருவிழா - 06.11.2018 : நெருப்புடன் கூட விளையாட முடியும்...!

விளையாட்டு திருவிழா - 06.11.2018 : கொளுந்துவிட்டு எரியும் பந்துடன் கால்பந்து

13 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.