விளையாட்டு திருவிழா - (15.10.2018) அர்ஜென்டினா மோட்டார் சூப்பர் பைக்: தொடர்ந்து 10வது முறை ஜோனத்தன் வெற்றி

அர்ஜென்டினாவில் நடைபெற்ற மோட்டார் சூப்பர் பைக் தொடரின் சாம்பியன் பட்டத்தை அயர்லாந்து வீரர் ஜோனத்தன் ரே வெற்றி பெற்றார், விறுவிறுப்பாக நடைபெற்ற இந்த சுற்றில் உலகின் முன்னணி வீரர்கள் பங்கேற்றனர். நடப்பாண்டிற்கான உலக சாம்பியன் பட்டத்தை ஏற்கனவே வென்ற ஜோனத்தன் ரே, 2 லேப்களின் முடிவில் 7வது இடத்தில் இருந்தார். பின்னர் சுதாரித்துக் கொண்டு மின்னல் வேகத்தில் சீறிப் பாய்ந்த ஜேனாத்தன் ரே 7வது லேப்களில் முதலிடத்திற்கு முன்னேறி, பந்தயத்தையும் முதலிடத்தில் நிறைவு செய்தார். 

இதன் மூலம் தொடர்ந்து 10 பந்தயங்களை வென்ற ஜோனத்தன் ரே, புதிய சாதனையை படைத்தார். இந்தப் போட்டியின் போது வீரர் ஒருவர் விபத்தில் சிக்கி போட்டியிலிருந்து வெளியேறினார். 

தேசிய அளவிலான கார் பந்தயத் தொடர் கோவை செட்டிபாளையத்தில் நடைபெற்றது, ஜே.கே. டயர்ஸ் சார்பில் தேசிய அளவிலான கார் பந்தய போட்டியின் மூன்றாவது சுற்று கரி மோட்டார் விரைவு சாலை வளாகத்தில் நாடு முழுவதுமிலிருந்து 76 வீரர்கள் பங்கேற்றனர்.  ஈரோ ஜே.கே.18  பிரிவு இறுதிச் சுற்றில் சென்னை வீரர் கார்த்திக் தரன்சிங் வெற்றி பெற்றார். இந்த தொடரை ஏராளமான பார்வையாளர்கள் கண்டு ரசித்தனர். 

சேலம் மாவட்டம் ஓமலூரில் மாவட்ட அளவிலான ஆணழகன் போட்டிகள் நடைபெற்றது. சேலம், ஓமலூர், ஆத்தூர், மேட்டூர், எடப்பாடி உள்ளிட்ட பகுதிகளிலிருந்து 232 பேர் கலந்துகொண்டனர். மொத்தம் 12 பிரிவுகளாகநடைபெற்ற இந்தப் போட்டியில், போட்டியாளர்கள் தங்களது உடல் திறனையும், வலிமையையும் வெளிபடுத்தி காட்டினர்.

மொத்தம் எட்டு வகையிலான உடல் தகுதிகளை ஆய்வுகள் செய்து நடுவர்கள் செய்து மதிப்பெண்களை வழங்கினர்.  ஒவ்வொரு முறையும் போட்டியாளர்களின் உடல் தகுதிகளை ஆய்வு செய்து மதிப்பெண்கள் வழங்கப்பட்டது. இந்தப் போட்டியில் சிறந்த ஆணழகனாக சேலம் அம்மாபேட்டையை சேர்ந்த ஜெகதீசன் தேர்வு செய்யப்பட்டார். மேலும், சிறந்த உடலமைப்பிற்காகவும் தேர்வு செய்யப்பட்டார். இரண்டாமிடத்தை அம்மாபேட்டை வரதராஜிம், மூன்றமிடத்தை மேட்டூர் தினகரனும் பிடித்து வெற்றிபெற்றனர். இதேபோன்று ஒவ்வொரு சுற்றிலும் தேர்வு செய்யப்பட்ட 70 பேருக்கு பதக்கம் மற்றும் சாற்றுகள் வழங்கப்பட்டன. இந்தப் போட்டியை ஏராளமான பார்வையாளர்கள் கண்டு களித்தனர்.