"விமான நிலையத்தை ஆப்கானிடம் ஒப்படைப்போம்" - அமெரிக்க வெள்ளை மாளிகை தகவல்

ஆப்கானில் இருந்து தப்ப விரும்புவோரை வெளியேற்றும் முயற்சிக்கு, காபூலில் நடந்த இரட்டை வெடிகுண்டு தாக்குதல் முட்டுக்கட்டை போட்டது. இந்நிலையில், ஜெர்மனி உள்ளிட்ட பல நாடுகளும் மீட்புப் பணிகளை நிறைவு செய்த நிலையில், நேற்று வெறும் 12 மணி நேரத்திற்குள் 4 ஆயிரத்து 200 பேர் ஆப்கானில் இருந்து மீட்கப்பட்டதாக வெள்ளை மாளிகை தெரிவித்துள்ளது. மேலும் ஆகஸ்ட் 14 முதல் இதுவரையில், கிட்டத்தட்ட 1 லட்சத்து 9 ஆயிரத்து 200 பேர் ஆப்கானில் இருந்து மீட்டுள்ளதாகவும் அமெரிக்கா தரப்பில் விளக்கம் அளிக்கப்பட்டுள்ளது.