ஈரான் நாட்டு கச்சா எண்ணெய் இறக்குமதி செய்ய தடை : மே.2 வரை அமெரிக்கா காலக்கெடு - நெருக்கடியை சந்திக்குமா இந்தியா ?

ஈரான் மீதான பொருளாதாரத் தடையை  கடந்த ஆண்டில் அறிவித்த அமெரிக்கா, அந்த நாட்டில் இருந்து இந்தியா, சீனா உள்ளிட்ட 8 நாடுகள் கச்சா எண்ணெய் இறக்குமதி செய்வதை நிறுத்த வேண்டும் என்றும் இல்லையென்றால் அந்த நாடுகளும் பொருளாதார தடையை சந்திக்க வேண்டும் என்றும் நிபந்தனை விதித்தது. கடந்த நவம்பர் மாதம் வரை விதிக்கப்பட்ட காலக்கெடு பின்னர் 6 மாதங்கள் நீட்டிக்கப்பட்டது. இந்த அவகாசம் மே 2 ஆம் தேதியுடன் முடிவடைய உள்ள நிலையில்,அதை மேலும் நீட்டிக்க முடியாது என்று அமெரிக்க அறிவித்துள்ளது. அமெரிக்காவின் நிர்பந்தத்தை ஏற்றுக்கொண்டால், இந்தியாவில் எரிபொருள் தட்டுப்பாடு ஏற்படும் என்றும், ஒருவேளை ஏற்கவில்லை என்றால் அமெரிக்கா விதிக்கும் பொருளாதார தடையை எதிர்கொள்ள நேரிடும் என்றும் எதிர்பார்க்கப்படுகிறது.