மதுரை - தேனி ரயில் சேவை; மேளதாள முழக்கத்துடன் வரவேற்ற அதிமுக, பாஜக

மதுரை தேனி வழித்தடத்தில் கூடுதலாக இரயில்களை இயக்க வேண்டுமென உசிலம்பட்டி எம்எல்ஏ அய்யப்பன் கோரிக்கை விடுத்துள்ளார். மதுரை முதல் தேனி வரை செல்லும் பயணிகள் இரயில் சேவையை பிரதமர் மோடி துவக்கி வைத்த நிலையில், உசிலம்பட்டி ரயில் நிலையத்தில் மதுரை - தேனி ரயிலுக்கு அதிமுக எம்.எல்.ஏ அய்யப்பன் தலைமையிலான அதிமுகவினரும், பாஜகவினரும் மேளதாளங்கள் முழங்க மலர் தூவி உற்சாக வரவேற்பு அளித்தனர். அப்போது பேசிய எம்.எல்.ஏ அய்யப்பன், உசிலம்பட்டி பகுதி மக்களின் நலனுக்காக மதுரை - தேனி வழித்தடத்தில் கூடுதலாக பயணிகள் ரயில்களை இயக்க வேண்டும் என ரயில்வே துறைக்கு கோரிக்கை விடுத்தார்.