அண்ணா பல்கலை செமஸ்டர் தேர்வு தேதி மாற்றம் - "14 ந் தேதிக்கு பதில் 21 - ந்தேதி தேர்வு"

கடந்த மார்ச் , ஏப்ரல் மாதங்களில் அண்ணா பல்கலைக் கழக தேர்வுகள் ஆன்லைன் வழியில் நடந்தன. அதில் பல்வேறு குளறுபடிகள் ஏற்பட்டதன் காரணமாக அதிகமான மாணவர்கள் தோல்வி அடைந்தனர். இந்த விவகாரம் குறித்து ஆலோசனை நடத்திய உயர்கல்வி அமைச்சர் பொன்முடி, இந்த மாதம் 14ஆம் தேதி மீண்டும் தேர்வு நடத்தப்படும் என அறிவித்திருந்தார். இந்த நிலையில் 14 ஆம் தேதிக்கு பதிலாக 21ஆம் தேதி முதல் தேர்வு நடைபெறும் என அண்ணா பல்கலைக்கழகம் அறிவித்துள்ளது. இதற்கான புதிய தேர்வு அட்டவணையும் வெளியிடப்பட்டு இருக்கிறது. மேலும் அரியர் மாணவர்களுக்கான தேர்வு ஜூலை 17 ஆம் தேதி முதல் நடைபெறும் என அறிவிக்கப்பட்டுள்ளது.