தமிழகம் முழுவதும் எத்தனை கோயில்கள்? - பட்டியல் தயாரிக்க சென்னை உயர்நீதிமன்றம் உத்தரவு அரசுக்கு உத்தரவு

தமிழகம் முழுவதும் உள்ள கோவில்களின் பட்டியலை தயாரித்து, கோவில் நிலங்களை ஆக்கிரமிப்பில் இருந்து மீட்க, தமிழக அரசுக்கு சென்னை உயர் நீதிமன்றம் உத்தரவிட்டுள்ளது.

தமிழகம் முழுவதும் உள்ள தொன்மையான கோவில்களை பாதுகாப்பது தொடர்பாக, 2015 ம் ஆண்டு சென்னை உயர் நீதிமன்றம் தாமாக முன்வந்து  விசாரணைக்கு எடுத்துக் கொண்டது. இந்த வழக்கை இன்று விசாரித்த நீதிபதிகள் ஆர்.மகாதேவன், பி.டி.ஆதிகேசவலு அமர்வு, 75 முக்கிய உத்தரவுகளை பிறப்பித்தது.

அதில், தமிழகம் முழுவதும் உள்ள கோவில்களின் பட்டியலை தயாரித்து, கோவில் நிலங்களை ஆக்கிரமிப்பில் இருந்து மீட்க வேண்டும் என்றும், 

கோவில்களில் உள்ள சிலைகள், நகைகள் உள்ளிட்டவற்றை பட்டியலாக தயாரிக்க வேண்டும்.

சிலைகள், நகைகளை புகைப்படம் எடுத்து அவற்றை இணைய தளங்களில் வெளியிட  வேண்டும் என உத்தரவிடப்பட்டுள்ளது.

கோவில் நிலங்கள் உள்ளிட்ட விவரங்கள் தொடர்பாக விசாரணை நடத்துவதற்கு தனி தீர்ப்பாயம் அமைக்கவும்,

கோவில்களின் கணக்கு வழக்குகளை மத்திய கணக்குத் தணிக்கை துறை தணிக்கைக்கு உட்படுத்த வேண்டும்,

என்பன உள்ளிட்ட, 75 உத்தரவுகளை பிறப்பித்துள்ள நீதிபதிகள், இதை 12 வாரங்களில் அமல்படுத்த உத்தரவிட்டுள்ளனர்.