"ஊடகவியலாளர் அனைவருக்கும் உதவித்தொகை" - தலைவர்கள் கோரிக்கை

கொரோனா காலத்திலும் உயிரை துச்சமென நினைத்து பணியாற்றும் அனைத்து பணியாளர்களுக்கு, தமிழக அரசு நலத்திட்ட உதவிகளை வழங்க தமிழ்நாடு காங்கிரஸ் தலைவர் கே.எஸ்.அழகிரி கோரிக்கை விடுத்துள்ளார். இதுதொடர்பாக அவர் வெளியிட்டுள்ள அறிக்கையில், அரசு அடையாள அட்டை இல்லாமல்தான் பெரும்பாலான பத்திரிகையாளர்களும், ஊடகவியலாளர்கள் பணியாற்றி வருகிறார்கள் என்று குறிப்பிட்டுள்ளார். எனவே, நிறுவனங்கள் வழங்கும் அடையாள அட்டை மூலமாகவோ, பத்திரிகையாளர்களின் நலனுக்காக பாடுபடும் சங்கங்களின் பிரதிநிதிகள் இடம்பெற்றுள்ள குழுக்கள் மூலமாகவோ உதவித்தொகை வழங்க நடவடிக்கை எடுக்க வேண்டும் என கேட்டுக் கொண்டுள்ளார்.