கமல்ஹாசனின் பிறந்த நாளை முன்னிட்டு, தமிழக மக்கள் நேசிக்கும் அடுத்த முதல்வர் என பேனர் வைப்பு

கமல்ஹாசனின் பிறந்த நாளை முன்னிட்டு அவரது அலுவலகத்தில் தமிழக மக்கள் நேசிக்கும் அடுத்த முதல்வர் என பேனர் வைக்கப்பட்டுள்ளது. 

மக்கள் நீதி மய்யம் கட்சித்தலைவரும் நடிகருமான கமல்ஹாசன் வரும் 7ம் தேதி தனது பிறந்த நாளை கொண்டாட உள்ளார். அவருக்கு வாழ்த்து தெரிவிக்கும் விதமாக, தமிழக மக்கள் நேசிக்கும் அடுத்த முதல்வர் கமல்ஹாசன் என, ஆழ்வார்பேட்டையில் உள்ள அக்கட்சியின் தலைமை அலுவலகத்தில் பேனர் வைக்கப்பட்டுள்ளது. சட்டமன்ற தேர்தல் குறித்து ஆலோசனை நடத்த வரும் 2, 3 மற்றும் 4ம் தேதிகளில் அக்கட்சியின் மாவட்ட செயலாளர்கள் கூட்டம் நடத்தப்பட உள்ளதாகவும் அக்கட்சி தெரிவித்துள்ளது.