தமிழகத்தில் மேலும் 5,684 பேருக்கு கொரோனா தொற்று

தமிழகத்தில் இன்று 81 ஆயிரத்து 66 பேருக்கு கொரோனா பரிசோதனை மேற்கொண்டதில் 5 ஆயிரத்து 684 பேருக்கு தொற்று இருப்பது உறுதியாகி உள்ளது,. மொத்த பாதிப்பு எண்ணிக்கை 4 லட்சத்து 74 ஆயிரத்து 940 ஆக உயர்ந்து இருக்கிறது. மேலும் கொரோனா உயிரிழப்பு எண்ணிக்கை 8 ஆயிரத்தை தாண்டி உள்ளது. இன்று 6 ஆயிரத்து 599 பேர் டிஸ்சார்ஜ் செய்யப்பட்டனர். 50 ஆயிரத்து 213 பேர் மருத்துவமனைகளில் சிகிச்சை பெற்று வருகின்றனர். 

சென்னையில் இன்று 988 பேருக்கு கொரோனா பாதிப்பு கண்டறியப்பட்டு உள்ளது. சென்னையை தவிர்த்து பிற மாவட்டங்களில் 4 ஆயிரத்து 696பேருக்கு தொற்று உறுதியானது. சென்னையில் இன்று ஆயிரத்து 97 பேர் டிஸ்சார்ஜ் செய்யப்பட்டனர். 18 உயிரிழப்புகள் நிகழ்ந்து இருக்கிறது. சென்னையில் 11 ஆயிரத்து 29 பேர் மருத்துவமனைகளில் சிகிச்சை பெற்று வருகின்றனர்.