தமிழகத்தில் மேலும் 5,976 பேருக்கு கொரோனா பாதிப்பு

தமிழகத்தில் இன்று 81 ஆயிரத்து 588 பேருக்கு கொரோனா பரிசோதனை மேற்கொண்டதில் 5 ஆயிரத்து 976 பேருக்கு தொற்று இருப்பது கண்டறியப்பட்டு உள்ளது. மொத்த பாதிப்பு எண்ணிக்கை  4 லட்சத்து 51 ஆயிரத்து 827 ஆக உயர்ந்து உள்ளது. மேலும் 6 ஆயிரத்து 334 பேர் டிஸ்சார்ஜ் செய்யப்பட்டனர். இன்று 79 உயிரிழப்புகள் நிகழ்ந்து இருக்கிறது. குணமடைந்தோர் எண்ணிக்கை 4 லட்சத்தை நெருங்குகிறது. 51 ஆயிரத்து 633 பேர் மருத்துவமனைகளில் சிகிச்சை பெற்று வருகின்றனர். 

சென்னையில் தொடர்ந்து 2வது நாளாக கொரோனா பாதிப்பு ஆயிரத்துக்கும் குறைவாக பதிவாகி உள்ளது, இன்று 992 பேருக்கு தொற்று உறுதி செய்யப்பட்டது. சென்னையை தவிர்த்து பிற மாவட்டங்களில் 4 ஆயிரத்து 984 பேருக்கு கொரோனா தொற்று உறுதியானது , சென்னையில் இன்று ஆயிரத்து 40 பேர் டிஸ்சார்ஜ் செய்யப்பட்டனர், மேலும் 12 உயிரிழப்புகள் நிகழ்ந்து இருக்கிறது.