சாலையைக் கடந்தவர் மீது பேருந்து மோதி விபத்து : சாலை மறியலால் ஒரு மணி நேரம் போக்குவரத்து பாதிப்பு

சென்னை பூந்தமல்லியை  அடுத்த செம்பரம்பாக்கம் பகுதியை சேர்ந்த பார்த்திபன், திருமழிசை சிப்காட்டில் உள்ள தனியார் நிறுவனத்தில்  காவலாளியாக வேலை செய்து வந்துள்ளார்.  நேற்றிரவு வழக்கம் போல் வேலைக்கு செல்வதற்காக பூந்தமல்லி - பெங்களூர் தேசிய நெடுஞ்சாலையில் செம்பரம்பாக்கம் பகுதியில் சாலையை கடந்துள்ளார். அப்போது,  கர்நாடக மாநிலத்தில் இருந்து சென்னை நோக்கி வந்த பேருந்து பார்த்திபன் சென்ற , மோட்டார் சைக்கிள் மீது மோதியது. இதில் அவர் சம்பவ இடத்திலேயே உயிரிழந்தார். அந்த பேருந்தின் கண்ணாடியை அடித்து நொறுக்கிய அப்பகுதி மக்கள் சாலை மறியலில் ஈடுபட்டனர். சிக்னல் இல்லாத காரணத்தால் அடிக்கடி இப்பகுதியில் உயிரிழப்பு ஏற்படுவதாக பொது மக்கள் குற்றம்சாட்டினர்.