திருவொற்றியூர் அருகே இருவேறு இடத்தில் செயின் பறிப்பு - இளம் கொள்ளையனை கைது செய்த போலீஸ்

திருவொற்றியூரில், சாலையில் நடந்த சென்ற ஜாஸ்மின் என்ற பெண்ணிடம் செல்போன் பறிக்கப்பட்டது. அதேபோல், புதுவண்ணாரப்பேட்டை சேனி அம்மன் கோவில் பகுதியில் நடந்து சென்ற கல்யாணி என்ற பெண்ணின் கழுத்தில் இருந்த 3 சவரன் செயினை இளைஞர் ஒருவர் பறித்து சென்றார். இது தொடர்பாக பாதிக்கப்பட்ட பெண்கள் இருவரும் காவல்நிலையத்தில் புகார் அளித்தனர். அந்தந்த பகுதியில் பொருத்தப்பட்டிருந்த சிசிடிவி கேமிரா காட்சிகளை ஆய்வு செய்த போலீசார், ஒரே கொள்ளையன் இரு சம்பவத்தில் ஈடுபட்டதை உறுதி செய்தனர்.