கிராம சுகாதார செவிலியர்கள் காலி பணியிடங்களை உடனடியாக நிரப்ப வேண்டும் - செவிலியர்கள் சங்கம் வலியுறுத்தல்

ஒப்பந்த அடிப்படையில் கிராம சுகாதார செவிலியர்கள் நியமிக்கும் திட்டத்தை மத்திய அரசு கைவிட வேண்டும் என கிராம சுகாதார செவிலியர்கள் சங்கம் வலியுறுத்தியுள்ளது. கிராம சுகாதர செவியர்கள் சங்க  32-வது  ஆண்டு விழா மற்றும் மாநில செயற்குழு கூட்டம் நெல்லையில் நடைபெற்றது. இதில் பங்கேற்ற பின் செய்தியாளர்களிடம் பேசிய மாநில தலைவர் நிர்மலா, தமிழகத்தில் காலியாக உள்ள  கிராம சுகாதார செவிலியர்கள் பணியிடங்களை உடனடியாக நிரப்ப வேண்டும் என வலியுறுத்தினார்.