"தமிழகத்தில் கால்நடை மருத்துவர் தேவை அதிகமாக உள்ளது" - அமைச்சர் உடுமலை ராதாகிருஷ்ணன்

தமிழகத்தில் கால்நடை மருத்துவர் தேவை அதிகமாக உள்ளதாக சட்டப்பேரவையில் கால்நடைத்துறை அமைச்சர் உடுமலை ராதாகிருஷ்ணன் தெரிவித்துள்ளார். தற்காலிக அடிப்படையில் பணி நியமனம் செய்யப்பட்ட 850 கால்நடை மருத்துவர்களை பணி நிரந்தரம் செய்ய நடவடிக்கை எடுக்கப்பட்டு வருகிறது என்றும் அவர் தெரிவித்தார். 6 லட்சம் விலையில்லா ஆடுகள், 2 லட்சத்து 40 ஆயிரம் பேருக்கு தலா 25 கோழிக்குஞ்சுகள், 12 ஆயிரம் பேருக்கு விலையில்லா கறவை பசுக்கள் ஆகியவை நடப்பாண்டில் வழங்கப்பட உள்ளதாகவும் உடுமலை ராதாகிருஷ்ணன் கூறினார்.