மாநிலங்களவை தேர்தலில் போட்டியிடும் அதிமுக வேட்பாளர்கள் இன்று வேட்பு மனுத்தாக்கல்

மாநிலங்களவை தேர்தலில் போட்டியிடும் அ.தி.மு.க. வேட்பாளர்கள் இன்று வேட்பு மனு தாக்கல் செய்கின்றனர். அ.தி.மு.க. சார்பில் முன்னாள் அமைச்சர் முகமது ஜான், மேட்டூர் நகர செயலாளர் சந்திரசேகரன் போட்டியிடுவார்கள் என, அறிவிக்கப்பட்டது. இதேபோல், கூட்டணியில் பா.ம.க.-வுக்கு வழங்கப்பட்ட ஒரு இடத்தில், அக்கட்சியின் இளைஞரணி தலைவர் அன்புமணி ராமதாஸ் நிறுத்தப்படுவதாக அறிவிக்கப்பட்டது. இந்நிலையில், மூவரும் சட்டப்பேரவை செயலாளரும், தேர்தல் அதிகாரியுமான சீனிவாசனிடம் இன்று  வேட்பு மனு தாக்கல் செய்கின்றனர்.