மழை வேண்டி சிறப்பு கொடை விழா : சுடலை மாட சுவாமி கோயிலில் வழிபாடு

திருச்செந்தூர் அருகே வீரமாணிக்கம்   கிராமத்தில் உள்ள  சுடலை மாடசுவாமி கோயிலில் மழை வேண்டி சிறப்பு கொடை விழா நடைபெற்றது. இதையொட்டி சுனை நீரை கும்பத்தில் எடுத்து சிறப்பு பூஜைகள் நடைபெற்றன . பின்னர் மலர்களால் அலங்கரிக்கப்பட்ட அந்த கும்பம்  யானை முன்செல்ல மேளதாளங்கள்  முழங்க  ஊர்வலமாக கோயிலுக்கு கொண்டு செல்லப்பட்டது.சுடலை மாடசுவாமி முன்பு கும்பத்தை இறக்கி வைத்து  வழிபாடு செய்யப்பட்டது. இதில் பக்தர்கள் கலந்து கொண்டு மழை பெய்ய வேண்டி சுடலை மாடசுவாமியை வேண்டிகொண்டனர்.