புதுச்சேரி அருகே உள்ள லட்சுமி நரசிம்மசுவாமி கோயில் தேரோட்டம்

மதுரை மாவட்டம் மேலூர் அருகே பாண்டிய மன்னனால் கட்டப்பட்ட கோயில் வைகாசி விஷாக தேரோட்டம் களைகட்டியது. திருவாசகம் பாடிய மாணிக்கவாசகர் பிறந்த திருவாதவூரில், பாண்டிய மன்னன் அரிமர்த்தனால் கட்டப்பட்ட திருமறைநாதர் வேதநாயகி அம்பாள் கோயிலில் வைகாசி விஷாக திருவிழா கடந்த வாரம் கொடியேற்றத்துடன் தொடங்கியது. திருக்கல்யாண வைபவம் நேற்று நடைபெற்ற நிலையில், முக்கிய நிகழ்ச்சியான தேரோட்டம் இன்று விமரிசையாக நடைபெற்றது. அலங்கரிக்கப்பட்ட தேரில், திருமறைநாதர் சுவாமியும், அம்பாளும் எழுந்தருள, நான்கு மாட வீதிகளில் தேர் ஆடி அசைந்து வந்தது. தேரை ஆயிரக் கணக்கான பக்தர்கள் வடம்பிடித்து இழுத்து வழிபட்டனர்.

ராமநாதபுரம் மாவட்டம் கமுதியில் உள்ள காமாட்சி அம்மன் கோயிலில்  மழை வேண்டி யாகம் நடத்தப்பட்டது. இதில் ஏழு கும்பங்களுடன் வேத மந்திரங்கள் முழங்க, பதினொரு வகையான அபிஷேகங்கள் நடைப்பெற்றன. சிறப்பு அலங்காரத்தில் காட்சி தந்த அம்மனை, ஏராளமான பக்தர்கள் தரிசனம் செய்தனர்.

திண்டுக்கல் மாவட்டம், பழனி அருகே , நெய்க்காரப்பட்டி ஹைகோர்ட் பத்ரகாளியம்மன் கோவிலுக்கு பக்தர் ஒருவர் 15 லட்ச ரூபாய் மதிப்பிலான ஐம்பொன் தேரை தானமாக வழங்கியுள்ளார். தினந்தோறும் ஏராளமான பக்தர்கள் வந்து செல்லும் நிலையில், பழனியைச் சேர்ந்த சுந்தரேஸ்வரன் என்ற பக்தர் 20 அடி உயரமுள்ள ஐம்பொன் தேர் செய்து  தானமாக அளித்துள்ளார்.சிறப்பு யாகம் வளர்க்கப்பட்டு பூஜைகள் நடத்திய பின்னர் உற்சவர் சிலை ஏற்றப்பட்ட தேர், கோவிலை வலம் வந்தது. ஏராளமான பக்தர்கள் கலந்து கொண்டு சாமி தரிசனம் செய்தனர்.