12ஆம் வகுப்பு பொதுத் தேர்வுகள் நாளை துவங்குகிறது

தமிழகம் மற்றும் புதுச்சேரியில் நாளை முதல்  12-ம் வகுப்பு பொதுத் தேர்வுகள் துவங்குகின்றன. 8 லட்சத்து 61  ஆயிரம்  மாணவ மாணவிகள் பொதுத் தேர்வை எழுதுகின்றனர்.  நாளை  தொடங்கும் பொதுத்தேர்வுகள் மார்ச் 19ம் தேதி முடிவடைகிறது.

அதைப்போல் மார்ச் 6-ம் தேதி முதல் 22ம் தேதி வரை 11-ம் வகுப்பு பொதுத்தேர்வும்,  மார்ச் 14-ஆம் தேதி முதல் 29ம் தேதி வரை பத்தாம் வகுப்பு பொதுத் தேர்வும் நடைபெறவுள்ளது.

தேர்வில் முறைகேடுகளை தடுக்க  4 ஆயிரம் உறுப்பினர்கள் கொண்ட பறக்கும் படை குழுக்கள் அமைக்கப்பட்டுள்ளதாக தேர்வுத்துறை இயக்குனர் வசுந்தராதேவி தெரிவித்துள்ளார்.

பொதுத் தேர்வுகளை யொட்டி , சென்னையில் உள்ள அரசு தேர்வுத்துறை இயக்குனர் அலுவலகத்தில் 12 மணி நேரம் செயல்படக்கூடிய கட்டுப்பாட்டு அறை ஏற்பாடு செய்யப்பட்டுள்ளதாக தேர்வுத்துறை அறிவித்துள்ளது.

அதன்படி தேர்வுகள் தொடர்பான புகார்கள் குறித்து மாணவர்களும், பெற்றோர்களும் பொதுமக்களும் தகவல்களை அளிக்கலாம் என்றும் தேர்வுத் துறை தெரிவித்துள்ளது.