ஊருக்குள் புகுந்து அட்டகாசம் செய்த சிறுத்தை - வனத்துறை வைத்த கூண்டில் சிக்கியது சிறுத்தை

கோவை மாவட்டம் ஆலாந்துறை பெருமாள் கோவில் பகுதியில் சுற்றித்திரிந்த சிறுத்தை பிடிபட்டது. ஆடு, மாடுகளை கொன்று வரும் சிறுத்தை பிடிக்க வேண்டும் என பொதுமக்கள் கோரிக்கை விடுத்ததையடுத்து சிறுத்தையை பிடிக்க கூண்டு அமைக்கப்பட்டது. இந்த கூண்டில் 7 வயது மதிக்கத்தக்க அந்த சிறுத்தை சிக்கியது. இதனையடுத்து தெங்குமரஹடா வனப்பகுதியில் சிறுத்தை விடப்பட்டது. கூண்டை திறந்ததும் சிறுத்தை துள்ளிக்குதித்து பாய்ந்தோடி வனப்பகுதிக்குள் சென்று மறைந்தது.