மாணவர்களுக்கு இயற்கை விவசாயத்தை கற்றுக்கொடுக்கும் பள்ளி

கோவை பெரியநாயக்கன்பாளையம் பகுதியில் இயற்கையான சூழலுக்கு மத்தியில் செயல்பட்டு வருகிறது ஒரு தனியார் பள்ளி. இந்த பள்ளியில் விளையாட்டு மைதானம், ஓங்கி உயர்ந்த கட்டடங்களை தாண்டியும் பளிச் என கண்களை கவர்வது பள்ளியின் இயற்கை தோட்டம் தான்.

பள்ளியில் படிக்கும் மாணவர்களுக்கு காய்கறிகளை பயிரிடுதல், அதனை பராமரித்தல், அறுவடை செய்தல் என அனைத்தையும் கற்றுத் தருகிறார்கள். முழுவதும் இயற்கை விவசாயத்தை பின்பற்றி கற்றுத் தரப்படுவதால் ஆரோக்யத்தின் அவசியம் குறித்தும் மாணவர்களுக்கு கற்றுத் தரப்படுகிறது என்கிறார் பள்ளியின் நிர்வாகி அரவிந்த்.