நெல்லையப்பர் கோயில் ஆரூத்ரா தரிசன திருவிழா - நடராஜருக்கு சிறப்பு தீபாராதணை

ராமேஸ்வரம் ராமநாதசுவாமி கோவிலில் அருள்பாலிக்கும் சிவகாமசுந்தரி சமேத நடராஜருக்கு இன்று அதிகாலை 2 மணிக்கு சிறப்பு அபிஷேகம் நடைபெற்றது. இதையடுத்து, காலை 5 மணியளவில் ஆருத்ரா தரிசனம் மிகச் சிறப்பாக நடைபெற்றது. இதனைக் காண ராமேஸ்வரம் மற்றும் அதன் சுற்றுப்பகுதிகளில் இருந்து ஆயிரக்கணக்கானோர் வந்திருந்தனர். முன்னதாக, கோ பூஜை மற்றும் சுமங்கலி பூஜை நடத்தப்பட்டு, மாணிக்கவாசகருக்கு தீபாராதனை காண்பிக்கப்பட்டது.

பூலோக கைலாயம்  என்றழைக்கப்படும் திருவொற்றியூர்   வடிவுடையம்மன் சமேத தியாகராஜ சுவாமி  திருக்கோவிலில்  ஆருத்ரா தரிசனம் சிறப்பாக நடைபெற்றது. இதில் ஆயிரக்கணக்கான பக்தர்கள் கலந்து கொண்டு சுவாமி தரிசனம் செய்தனர். 18 சங்க நாத வாத்தியங்கள் முழங்க 4 மாட வீதிகளில் நடராஜர் வலம் வந்து பக்தர்களுக்கு அருள்பாலித்தார்.

ஆருத்ரா தரிசனத்தையொட்டி, சேலம் சுகவனேஸ்வரர் திருக்கோயிலில் அருள்பாலிக்கும் உற்சவர் சிவகாமி சமேத நடராஜருக்கு சிறப்பு அபிஷேகங்கள் செய்யப்பட்டது. 64 வகையான பொருட்களை கொண்டு செய்யப்பட்ட அபிஷேகத்தை காண ஆயிரக்கணக்கான பக்தர்கள் கூடியிருந்தனர். சிறப்பு பூஜைகளுக்கு பிறகு நடராஜர் பல்லக்கில் உலா வந்து பக்தர்களுக்கு அருள்பாலித்தார்.

சிதம்பரம் நடராஜர் ஆலயத்தில் மார்கழி ஆருத்ரா தரிசன விழா நடைபெற உள்ள நிலையில் ஆலயத்தின் அழகை கழுகுப் பார்வையில் பார்க்கலாம்.