சமூக வலை தளத்தை கலக்கிய சமையல் மகாராணி 107 வயதில் உயிரிழந்து விட்டார்...
பதிவு : டிசம்பர் 05, 2018, 11:33 AM
மஸ்தானம்மா உயிரிழந்து விட்டார்.. அவருக்கு வயது 107... சமூக வலை தளங்களை அவர் கலக்கியதன் பின்னணியை பதிவு செய்கிறது.
* ஆந்திர மாநிலத்தைச் சேர்ந்த 106 வயது மூதாட்டி மஸ்தானம்மா. இவர் தள்ளாத வயதிலும் யாருடைய உதவியையும் எதிர்பார்க்காமல் தமது தேவைகளை தானே பூர்த்தி செய்துகொள்கிறார். வீட்டு வேலைகளை சுறுசுறுப்புடன் செய்வதோடு, ஒவ்வொரு நாளும் வித விதமான உணவுகளை சமைத்து அசத்துகிறார். இவருடைய கைப்பக்குவம் வீட்டினரை மட்டுமல்ல, இணையதள சமையல் பிரியர்களையும் அடிமையாக்கியுள்ளது.  

* தமது சமையல் கைப்பக்குவத்தை செய்முறையுடன் வீடியோவாக, சமூக வலை தளத்தில், உலவ விட்டிருக்கிறார் இந்த சமையல் மகா ராணி. இரண்டு லட்சத்து ஐம்பதாயிரம் பேர், மஸ்தானம்மாவின் சமையல் வீடியோ பதிவுகளை பின் தொடர்கிறார்கள் என்றால் பார்த்துக் கொள்ளுங்கள்... வீடியோ பதிவைப் பார்த்தாலோ, நாவில் நீர் ஊறுகிறதே... 

* பாரம்பரிய உணவுகள், மீன் வறுவல் முதல் சிக்கன் பிரியாணி வரை மஸ்தானம்மாவின் கை வண்ணத்தில், சமூக வலை தளமே, கமகமக்கிறது. இந்த பாட்டி சமூக வலை தளத்திற்கு வந்ததே, தனிக் கதை தான்...  

* இவரது பேரன் லட்சுமணன் தான், தற்போது, பாட்டி மஸ்தானம்மாவின் கை வண்ணத்தில் தயாரான சமையல் வீடியோக்களை சமூக வலைதளத்தில் பதிவிட்டு வருகிறார். 

* ஒருநாள், தமது நண்பர்களுடன் சேர்ந்து, பாட்டி சமைத்ததை, லட்சுமணன் தற்செயலாக வீடியோ பதிவு செய்து பதிவிட்டிருக்கிறார். அது, வைரலாக இணையத்தில் பரவியுள்ளது. அதற்கு கிடைத்த வரவேற்பை பார்த்ததும், சிறுவயது முதலிலேயே தமது பாட்டி அற்புதமாக சமைத்து வருவது நினைவுக்கு வந்திருக்கிறது. பிறகென்ன... உடனே பாட்டி சமைப்பதை வீடியோ எடுத்து செய்முறையுடன் பதிவிட தொடங்கிவிட்டார்.  

* ஆரம்பத்தில் தமது பேரன், தாம் சமைப்பதை படம் பிடித்து என்ன செய்கிறான் என புரியாமல் குழம்பி போயிருக்கிறார் பாட்டி. விவரம் தெரிந்த பிறகு பேரனுடைய செயல்பாட்டுக்கு ஒத்துழைப்பு கொடுத்து, அசத்தி வருகிறார். 

* மஸ்தானம்மா, சமீபத்தில் தமது 106-வது பிறந்த நாளை கொண்டாடி இருக்கிறார். அதையும், வீடியோவாக இணையத்தில் பதிவேற்றி இருக்கிறார். அதில் தமது சமையல் ஆர்வம் பற்றியும், தமது குடும்பம் மற்றும் நண்பர்கள் மீதான பாசம் பற்றியும், பாட்டி விவரித்துள்ளார். 

* மஸ்தானம்மா மீன் வகைகள் மற்றும் பிற கடல்வாழ் உணவுகளை ருசியாக சமைப்பதில் கைதேர்ந்தவர். அவரது சமையல் பக்குவத்தை ஊர் மக்களும் ருசித்து மகிழ்கிறார்கள். ஊர் மக்கள் இவரது கைப்பக்குவத்திற்கு அடிமையாகிவிட்டார்கள். 

* உலகின் மிக மூத்த சமூக வலைதள நட்சத்திரமாக மஸ்தானம்மா உருவெடுத்துள்ளார். பழங்காலத்திய முறைகளில் ருசியான உணவு சமைக்கும் முறைகளை தமது பேரன், பேத்திகளின் கோரிக்கையை ஏற்று கற்றுத் தருகிறார். பாட்டியின் சமையலுக்கு உலகில் லட்சக்கணக்கானோர் ரசிகராகிவிட்டனர்.  

* கிரேனி-ஜி என வட இந்தியர்களாலும், கிரேனி என உலக சாப்பாட்டுப் பிரியர்களாலும் அழைக்கப்படும் மஸ்தானம்மாவின் வீடியோக்கள், வைரலாகப் பரவி வருகிறது. 

* 106 வயதிலும் அசராமல் சமைத்து அசத்தும் மூதாட்டி மஸ்தானம்மா, தர்பூசணியின் கூட்டில் சிக்கன் செய்வது, மீன், நண்டு, காய்கறி முதல் பிரெட் ஆம்லெட் வரை செய்து அசத்துகிறார். 

* சைவ சாப்பாட்டிலும் தமது திறமையை நிரூபித்துவிட்டார் இந்த மூதாட்டி. தேவையான சமையல் பொருட்களை கைகளால் இடித்து, மசாலா ஆக்கித் தான் பயன்படுத்துகிறார். விறகு அடுப்பைத் தான் உபயோகிக்கிறார். பெரும்பாலும், மண் பானைகள் தான் இவரது கைப்பக்குவத்தில் உணவுகளைத் தயாரிக்கின்றன. இவை தான் பாட்டியின் தயாரிப்புகளுக்கு மகுடம் சூட்டுகின்றன. 

* யாருடைய உதவியும் இவருக்குத் தேவைப்படுவதில்லை. நன்றாக இருக்கிறது என்று சொன்னாலே போதும்... பொக்கை வாய் தெரிய சிரிக்கிறார் இந்த பாட்டி. 

* மூதாட்டி மஸ்தானம்மாவின் கைப்பக்குவத்தை வீடியோக்களில் பார்த்த உடனேயே வயிறு நிறைந்து விடுகிறது. வயிற்றை குளிர்விக்கும் மூதாட்டியை சிரம் தாழ்த்தி வணங்கலாமே... 

தொடர்புடைய செய்திகள்

பணி நேரத்தில் ஊழியர்கள் செல்போன் பயன்படுத்த தடை...

பணியின் போது ஆசிரியர் அல்லாத ஊழியர்கள் செல்போன் பயன்படுத்த விதிக்கப்பட்டுள்ள தடையை திரும்பபெற வேண்டும் என்று சேலம் ஓமலூரில் செயல்பட்டுவரும் பெரியார் பல்கலைக்கழக ஊழியர்கள் கோரியு​ள்ளனர்.

145 views

எய்ட்ஸ் நோயை முற்றிலும் ஒழிக்க உறுதியேற்போம் - கனிமொழி

இந்தியாவில் 21 லட்சம் பேர் எச்ஐவி தொற்றுடன் வாழ்வதாக திமுக நாடாளுமன்ற உறுப்பினர் கனிமொழி தெரிவித்துள்ளார்.

167 views

ஆய்வின் போது மக்களின் வலியை உணர்ந்தோம் - மத்திய குழுவின் தலைவர் டேனியல் ரிச்சர்ட்

தமிழகத்தில் கஜா புயல் பாதித்த மாவட்டங்களை பார்வையிட்ட மத்திய குழுவினர் , விரைவில் அரசிடம் ஆய்வறிக்கை அளிக்கப்படும் என்று தெரிவித்தனர்.

58 views

தமிழரசு கட்சியில் இருந்து சி.வி.விக்னேஸ்வரன் நீக்கம்

இலங்கை வடக்கு மாகாணத்தின் முன்னாள் முதலமைச்சர் விக்னேஸ்வரன் புதிய கட்சியை தொடங்கி உள்ளதால், தமிழரசு கட்சியில் இருந்து நீக்கப்படுவதாக அக்கட்சியின் தலைவர் மாவை சேனாதிராஜா தெரிவித்துள்ளார்.

970 views

பிற செய்திகள்

ஸ்டாலின் தலைமையில் திமுக எம்.பி , எம்எல்ஏக்கள் ஊர்வலம்

17-வது மக்களவையில் தேர்ந்தெடுக்கப்பட்ட தி.மு.க எம்.பிக்கள், தமிழக சட்டமன்ற இடைத்தேர்தலில் வெற்றி பெற்ற அக்கட்சி எம்.எல்.ஏக்கள் அனைவரும் மெரினாகடற்கரையில் ஒன்று திரண்டனர்.

3 views

முதல்வர் , துணை முதல்வர் டெல்லி பயணம் : மத்திய அமைச்சரவையில் அதிமுக இடம்பெறுமா?

பிரதமர் நரேந்திரமோடி தலைமையில் டெல்லியில் மாலையில் கூடும் தேசிய ஜனநாயக கூட்டணி தலைவர்கள் கூட்டத்தில் பங்கேற்க, முதலமைச்சர் எடப்பாடி பழனிச்சாமியும்,துணை முதலமைச்சர் ஓ.பன்னீர் செல்வமும் தலைநகர் புறப்பட்டு சென்றுள்ளனர்.

2 views

ராமேஸ்வரம் : பழுதை சரிசெய்ய கரையேற்றப்படும் படகுகள்

தமிழகத்தின் கிழக்குக் கடல் பகுதியில் மீன்பிடி தடைக்காலம் அமலில் உள்ள நிலையில், படகுளை சரிசெய்வதற்காக கரைகளில் ஏற்றும் பணிகளை ராமேஸ்வரம் மீனவர்கள் மேற்கொண்டு வருகின்றனர்.

5 views

பரபரப்புடன் வெற்றி பெற்ற திருமாவளவன்...

சிதம்பரம் மக்களவை தொகுதியில், விடுதலை சிறுத்தைகள் கட்சித் தலைவர் திருமாவளவன் வெற்றி பெற்றாலும், ஒவ்வொரு சுற்றிலும் முன்னணி நிலவரம் ஏற்ற இறக்கத்துடன் வந்ததால் பரபரப்பு நீடித்தது.

197 views

பிளாஸ்டிக் பைகள் பறிமுதல் - அபராதம் விதிப்பு

மதுராந்தகத்தில் நகராட்சி நிர்வாகம் சார்பில் நடத்தப்பட்ட அதிரடி ஆய்வில் பல கடைகளுக்கு அபராதம் விதிக்கப்பட்டது.

13 views

பிரிட்டன் பிரதமர் தெரசா மே பதவி விலக முடிவு

பிரிட்டன் பிரதமர் தெரசா மே ராஜினாமா செய்யப்போவதாக அறிவித்துள்ளார்.

39 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.