"தீபாவளிக்கு 22 ஆயிரம் சிறப்பு பேருந்துகள்" - அமைச்சர் எம்.ஆர்.விஜயபாஸ்கர் அறிவிப்பு

பயணிகளின் கூட்ட நெரிசலை சமாளிக்க தீபாவளியையொட்டி 22 ஆயிரம் பேருந்துகளை இயக்க தமிழக அரசு முடிவு செய்துள்ளது. சென்னையில் இருந்து, தமிழகத்​தி​ன் பல்வேறு நகரங்களுக்கும் வருகிற நவம்பர் 3, 4 மற்றும் 5 ஆகிய தேதிகளில் 12 ஆயிரம் பேருந்துகள் இயக்கப்படும் என போக்குவரத்து அமைச்சர் எம்.ஆர். விஜயபாஸ்கர் தெரிவித்தார். இந்த பேருந்துகள், கோயம்பேடு, அண்ணாநகர், அடையாறு, தாம்பரம், ஊரப்பாக்கம் ஆகிய இடங்களில் இருந்து புறப்படும் . இதுபோல, தமிழகத்தின் பிற மாவட்டங்களில் உள்ள நகரங்களுக்கு இடையே தீபாவளியையொட்டி 10 ஆயிரம் பேருந்துகள் இயக்கப்படும் எனவும் அமைச்சர் எம்.ஆர்.விஜயபாஸ்கர் தெரிவித்தார்.