கொள்ளையர்களை பிடிக்க பிரெட் ஆம்லெட் மாஸ்டரான போலீஸ்
பதிவு : ஆகஸ்ட் 29, 2018, 10:21 AM
மாற்றம் : ஆகஸ்ட் 29, 2018, 12:20 PM
சென்னையில் தொடர் கொள்ளையில் ஈடுபட்டு வந்த கொள்ளையர்களை நூதன முறையில் மாறுவேடமிட்டு போலீசார் கைது செய்த சம்பவம் பரபரப்பை ஏற்படுத்தி இருக்கிறது.
சென்னையின் பிரதான பகுதிகளான அபிராமபுரம், கோட்டூர்புரம் உள்ளிட்ட பகுதிகளில் உள்ள வீடுகளில் இரவு நேரங்களில் அடிக்கடி கொள்ளை சம்பவம் நடந்து வந்துள்ளது. 

இதுதொடர்பாக பொதுமக்களிடம் இருந்து அதிகளவில் புகார் வந்ததால்  அபிராமபுரம் உதவி ஆணையர் சுதர்சன் தலைமையில் தனிப்படை அமைக்கப்பட்டது. 

அப்போது கொள்ளை நடந்த பகுதிகளில் உள்ள சிசிடிவி காட்சிகளை போலீசார் ஆய்வு செய்த போது ஒரு காரின் பக்கவாட்டு பகுதி மட்டுமே கிடைத்துள்ளது. 

இதை வைத்து அதே மாதிரியான கார்களை தேடி அலைந்த போலீசார் அதில் 80 கார்களை பட்டியலிட்டு விசாரணையை தொடங்கினர். 

அப்போது அந்த காரை இணையதளத்தின் மூலம் வாங்கி கொள்ளையர்கள் பயன்படுத்தியது தெரியவந்தது. தொடர்ந்து அந்த காரின் முன்னாள் உரிமையாளரிடம் விசாரணை நடத்திய போலீசாருக்கு சில தகவல்கள் கிடைத்துள்ளன. 

அதனை அடிப்படையாக கொண்டு குற்றவாளியை போலீசார் நெருங்கினர். ஆனால் குற்றவாளியை கைது செய்ய போலீசார் நூதன திட்டம் ஒன்றை வகுத்தனர். 

குற்றவாளியின் செல்போன் எண்ணை வைத்து விசாரணை நடத்தியதில் காஞ்சிபுரம் மாவட்டம் ஊரப்பாக்கம் பகுதியில் செல்போன் டவர் இருப்பது தெரியவந்தது. 

அப்போது அந்த பகுதிக்கு சென்ற தனிப்படை போலீசார்  சாலை போட வந்தவர்கள் போல வேடமிட்டு மாரிமுத்து என்ற கொள்ளையனை அதிரடியாக கைது செய்தனர். 

மாரிமுத்துவிடம் நடத்திய விசாரணையில் அவரது கூட்டாளிகளான சிவா மற்றும் ராஜேஷ் ஆகியோர் சைதாப்பேட்டையில் உள்ள கடை ஒன்றில் கூடி திட்டம் போடுவது தெரியவந்தது. இதையடுத்து அங்கு சென்ற தனிப்படை போலீசார், அந்த கடையில் பிரெட் ஆம்லெட் போடும் மாஸ்டர் போல வேடமிட்டு நோட்டமிட்டு வந்தனர். 

அப்போது அங்கு வந்த இரு கொள்ளையர்களையும் சுற்றி வளைத்து கைது செய்தனர். மேலும் இந்த சம்பவத்தில் நகைகளை விற்பனை செய்ய உதவியாக இருந்த நாகூர் மீரான் என்பவரையும் கைது செய்த போலீசார், அவரிடம் இருந்து 2 கிலோ வெள்ளி, 56 சவரன் தங்க நகைகள் உள்ளிட்டவற்றை பறிமுதல் செய்தனர். 

கொள்ளையர்கள் 4 பேரை பிடிக்க பல கெட்டப்புகளில் போலீசார்  தீவிரமாக செயல்பட்டுள்ளனர். அவர்களுக்கு காவல்துறை உயரதிகாரிகள் தரப்பில் இருந்து பாராட்டுகளும் குவிந்த வண்ணம் உள்ளன. 

தொடர்புடைய செய்திகள்

பாரம்பரிய எருது பந்தயம்..சீறி பாய்ந்த எருதுகள் மீது பயணித்த வீரர்கள்...

தாய்லாந்தில் பாரம்பரியத்தை காக்கும் வகையில் எருது பந்தயம் நடைபெற்றது.

282 views

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

2231 views

களவாணி மாப்பிள்ளை படத்தின் டிரெய்லர் வெளியீடு

நடிகர் தினேஷ், அதிதி மேனன் நடிப்பில் உருவாகி இருக்கும் களவாணி மாப்பிள்ளை படத்தின் டிரெய்லர் வெளியாகி உள்ளது.

4185 views

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

5818 views

பிற செய்திகள்

"முன்னெச்சரிக்கை நடவடிக்கையை முன்னரே செய்திருக்கலாம்" - ஸ்டாலின்

புயலால் பாதிக்கப்பட்ட பகுதிகளில் நிவாரணப் பணிகளை விரைந்து செயல்படுத்துமாறு திமுக தலைவர் ஸ்டாலின் தமிழக அரசுக்கு கோரிக்கை விடுத்துள்ளார்.

43 views

சிதிலமடைந்த வேளாங்கண்ணி மாதா கோயில் சிலைகள்

நாகையில் கஜா புயலில் பாதிக்கப்பட்ட இடங்கள் டிரோன் கேமிரா மூலம் கழுகு பார்வையில் படம் பிடிக்கப்பட்டுள்ளன.

251 views

வடசென்னை படத்தில் தவறாக சித்தரித்ததாக புகார்

சென்னை காசிமேடு மீன்பிடி துறைமுகத்தில் படப்பிடிப்பு நடத்த மீனவர்கள் எதிர்ப்பு தெரிவித்ததால் பரபரப்பு ஏற்பட்டது.

30 views

போர்வெல்லில் இருந்து வினோத சப்தம் - அச்சத்தில் உறைந்த கிராமமக்கள்

மதுரை மாவட்டம் திருமங்கலம் அருகே உள்ள நேசநேரி கிராமத்தில் புதிதாக போடப்பட்டுள்ள போர்வெல்லில் வினோதமான ஒலிகள் எழுந்துள்ளதால் கிராம மக்கள் அச்சத்தில் உறைந்துள்ளனர்.

3053 views

கஜா புயலால் 40 பேர் உயிரிழந்துள்ளதாக அதிகாரப்பூர்வ அறிவிப்பு

கஜா புயலால் உயிரிழந்தவர்களின் எண்ணிக்கை 40 ஆக அதிகரித்துள்ளது.

54 views

எம்ஜிஆர் நூற்றாண்டு வளைவு - தடை கோரி மனு

எம்.ஜி.ஆர். நூற்றாண்டு நினைவு வளைவு கட்ட தடை கோரி சென்னை உயர் நீதிமன்றத்தில் பொது நல வழக்கு தொடரப்பட்டுள்ளது.

82 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.