சுதந்திர தின ஒத்திகை நிகழ்ச்சி - சென்னை காமராஜர் சாலையில் போக்குவரத்து மாற்றம்

சென்னை கோட்டையில் 15ம் தேதி சுதந்திர தின விழா நடைபெறுவதை முன்னிட்டு, இன்று, நாளை மற்றும் திங்கள்கிழமை ஆகிய 3 நாட்களும் சுதந்திர தின விழா ஒத்திகை நிகழ்ச்சி நடைபெற உள்ளது. இதனை முன்னிட்டு 3 நாட்களிலும் காலை 6.30 மணி முதல் ஒத்திகை முடியும் வரை காமராஜர் சாலை, ராஜாஜி சாலை மற்றும் கொடிமரச் சாலை ஆகிய சாலைகளில் வாகன போக்குவரத்தும் தடை செய்யப்பட்டு மாற்றியமைக்கப்பட உள்ளதாக அறிவிக்கப்பட்டுள்ளது.