மாமல்லபுரம் : சுனாமியை எதிர்கொண்ட கம்பீர கற்கோவில்
பதிவு : ஜூலை 29, 2018, 03:47 PM
உலக அளவில் பாரம்பரிய சின்னமாக விளங்கும் மாமல்லபுரம் கடற்கரை கோவிலின் மகத்துவத்தை விளக்குகிறது இந்த செய்தி தொகுப்பு...
காஞ்சிபுரம் மாவட்டம்,  மாமல்லபுரத்தில்  கடற்கரையில் அமைந்துள்ள இந்த கோவில் ஏழாம் நூற்றாண்டில் இரண்டாம் நரசிம்மவர்ம பல்லவ மன்னரால் கட்டப்பட்டது. முழுவதும் கருங்கல்லினால் கட்டப்பட்ட இந்த கோவிலில்  சத்திரியாசிம்மேஸ்வரம் மற்றும் ராஜசிம்மேஸ்வரம் என்ற இரு விமானங்கள் உள்ளன..   சிவனும், விஷ்ணுவும் இரு கருவறையில் வீற்றிருக்கிறார்கள் என்பது  கோவிலின் மற்றொரு சிறப்பு.

தொழில்நுட்ப வசதி இல்லாத காலத்தில் கட்டப்பட்ட இந்த கோவில்,  இயற்கை பேரிடரை தாங்கும் விதத்தில் கட்டப்பட்டிருப்பது பல்லவ மன்னர்களின் கலைத்திறனுக்கு சான்று.

யுனெஸ்கோவால் அங்கீகரிக்கப்பட்ட பாரம்பரிய சின்னங்களின் வரிசையில் இந்த கோவில் இடம் பெற்றுள்ளது...மாமல்லபுரம் கடற்கரையில் மொத்தம் 7 கோவில்கள் இருந்ததாகவும் அவற்றில் 6 கோவில்கள் கடலில் மூழ்கிவிட்டதாகவும் கூறப்படுகிறது. அதே போல் 2004 ஆம் ஆண்டில் சுனாமி  தாக்கிய போதும் ,  எந்த பாதிப்பும் இன்றி  கடற்கரை கோவில் கம்பீரமாக காட்சியளித்து வருகிறது.

சுற்றுலா பயணிகள் மட்டுமின்றி இந்தியாவிற்கு அரசு முறை பயணமாக வருகை தரும் வெளிநாட்டு அதிபர்கள் மற்றும் பிரதமர்கள் கூட இந்த கோவிலின் எழிலை ரசிப்பதில் மகிழ்ச்சி அடைகிறார்கள். 1975 ஆம் ஆண்டு இந்த கோவிலுக்கு வருகை தந்த அப்போதைய  பிரதமர் இந்திரா காந்தி , இதனை பாதுகாக்க தொல்லியல் துறைக்கு உத்தரவிட்டார்.

கடல் அலைகள் கோவிலுக்குள் வராதபடி கடற்கரை முழுவதும் கற்களை கொட்டி  தொல்லியல் துறையினர் பாதுகாப்பு பணிகளை மேற்கொண்டனர்.
அதுமட்டுமின்றி, தடுப்பு சுவர் மற்றும் சவுக்கு மரங்களை வளர்த்தும் பாதுகாப்பு அரண்களை ஏற்படுத்தி உள்ளனர். கோவில் சிற்பங்கள் உப்பு காற்றினால் பாதிக்கப்படாமல் இருப்பதற்காக,  ஆறு மாதங்களுக்கு ஒருமுறை ரசாயன கலவை பூசப்பட்டு வருகிறது.

கடற்கரை கோவில் வளாகத்தில் பிளாஸ்டிக் பொருட்கள் பயன்படுத்துவதற்கும், புகை பிடிப்பதற்கும் தடை விதிக்கப்பட்டுள்ளது. மனிதர்கள் விடும் மூச்சுக்காற்றால் பாதிப்பு ஏற்பட வாய்ப்புள்ளதாக கூறி கோவிலின் இரண்டு கருவறைக்குள் சுற்றுலா பயணிகள் அனுமதிக்கப் படுவதில்லை.

காலத்தை தாண்டி , தமிழகத்தின்  கலைத்திறனை  உலகிற்கு வெளிப்படுத்தி வரும், கடற்கரை கோவிலை தொல்லியல் துறையினர் கூடுதல் கவனத்துடன்   பாதுகாக்க வேண்டும் என்பதே பொதுமக்கள் மற்றும் சமூக ஆர்வலர்களின் கோரிக்கையாக உள்ளது.

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

530 views

பிற செய்திகள்

மாமல்லபுரத்தை சேர்ந்த ஸ்கேட்டிங் சிறுமி கமலி : ஆஸ்கர் விருதுக்கு பரிந்துரைக்கப்பட்டு சாதனை

காஞ்சிபுரம் மாவட்டம் மாமல்லபுரத்தை சேர்ந்த ஸ்கேட்டிங் சிறுமியை பற்றிய குறும்படம் ஆஸ்கர் விருதுக்கு பரிந்துரைக்கப்பட்டுள்ளது.

7194 views

"திமுக கூட்டணி அனைத்து தொகுதிகளிலும் வெற்றிபெறும்" - பொன்முடி, திமுக

விழுப்புரத்தில் திமுக கூட்டணி கட்சிகளின் சார்பில் வாக்கு எண்ணிக்கை முகவர்களுக்கான ஆலோசனை கூட்டம் நடைபெற்றது

2385 views

"மோடி மீண்டும் பிரதமர் ஆவதே இந்தியாவுக்கு நல்லது" - தேமுதிக பொருளாளர் பிரேமலதா

மோடி மீண்டும் பிரதமர் ஆவதே, ஒட்டுமொத்த இந்தியாவிற்கும் நல்லது என தேமுதிக பொருளாளர் பிரேமலதா தெரிவித்துள்ளார்.

1512 views

"சவுதி அரேபியாவில் பாதுகாப்பற்ற நிலையில் கணவர்" - மீட்டு தரக் கோரி மனைவி கோரிக்கை

கன்னியாகுமரி காரங்காடு பகுதியை சேர்ந்த மிக்கேலம்மாள் என்பவரது கணவர் மரிய மிக்கேல் மற்றும் உறவினர் குமார் ஆகியோர்,அதே பகுதியை சேர்ந்த தாமஸ் கஸ்பார் என்பவரால் 2 ஆண்டுக்கு முன்பு சவுதி அரேபியாவில் வேலைக்கு அழைத்து செல்லப்பட்டனர்.

194 views

எம்.ஜி.ஆர் திரைப்படக் கல்லூரியில் மாணவர் சேர்க்கை : தமிழக அரசு பதிலளிக்க சென்னை உயர்நீதிமன்றம் உத்தரவு

சென்னை கோடம்பாக்கத்தைச் சேர்ந்த ஜான் அலெக்ஸாண்டர் என்பவர் உயர்நீதிமன்றத்தில் வழக்கு தொடர்ந்தார்.

76 views

சாலை போடும் தாரில் சிக்கிய நல்ல பாம்பு

கடலூரில் சாலை போடும் தாரில் சிக்கிய நல்ல பாம்பு நான்கு நாட்களுக்கு பின்னர் மீட்கப்பட்டது.

1100 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.