6-வது ஐ.எஸ்.எல் கால்பந்து தொடர்: 3-வது முறையாக சாம்பியன் பட்டம் வென்ற அட்லடிகோ டி கொல்கத்தா

கோவாவில் நடந்த இறுதிப்போட்டியில், இருமுறை சாம்பியன்களான சென்னையின் எப்.சி. மற்றும் அட்லெடிகோ டி கொல்கத்தா அணிகள் மோதின. கொரோனா அச்சுறுத்தல் காரணமாக, ரசிகர்கள் இன்றி போட்டி நடைபெற்றது. போட்டி தொடங்கியது முதலே ஆதிக்கம் செலுத்தி வந்த கொல்கத்தா அணி வீரர்கள், 10-வது மற்றும் 48-வது நிமிடங்களில் அடுத்தடுத்து கோல்கள் அடித்தனர். சென்னை தரப்பில் 69-வது நிமிடத்தில் வல்ஸ்கிஸ் ஒரு கோல் அடித்த நிலையில், பின்னர் வழங்கப்பட்ட கூடுதல் நேரத்தில் மற்றுமொரு கோல் அடித்த கொல்கத்தா அணி, 3க்கு - 1 ஒன்று கோல் கணக்கில் வெற்றிபெற்றது. அந்த அணியின் ஜாவியர் ஹெர்னாண்டஸ் இருகோல்கள் அடித்து, அணியை வெற்றிப்பாதைக்கு அழைத்துச்சென்றார்.