ஐ.எஸ்.எல் கால்பந்து தொடர் - கோவா அணி அபார வெற்றி

ஐஎஸ்எல் கால்பந்து தொடரில் கோவா அணி 11 ஆவது வெற்றியை பதிவு செய்தது. கோவாவில் நடைபெற்ற லீக் ஆட்டத்தில் மும்பை  - கோவா அணிகள் மோதின. ஆட்டத்தின் முதல் பாதியில் கோவா அணி 3 கோலும், மும்பை அணி ஒரு கோலும் அடித்தது. விறுவிறுப்பான இரண்டாம் பாதியில் கோவா அணி ஆதிக்கம் செலுத்தியது. 80 ஆவது மற்றும் 87 ஆவது நிமிடங்களில் கோவா அணி கோல்கள் அடித்து முன்னிலை பெற்றது. கடுமையாக போராடிய மும்பை அணியால் இரண்டாம் பாதியில் ஒரு கோல் மட்டுமே அடிக்க முடிந்ததால், கோவா 5-2 என்ற கோல் கணக்கில் வெற்றி பெற்றது.